pH នៃដី

pHនៃដី

pHដី គឺជាកំហាប់អ៊ីយ៉ុងអ៊ីដ្រូសែននៅក្នុងសូលុយស្យុងដី pHដីអាចប្រែប្រួលពី ៣ ទៅ ១១។ pHដីតូចមានន័យថា ដីមានភាពជាអាស៊ីតច្រើន។ ផ្ទុយទៅវិញបើតម្លៃpH ខ្ពស់នោះ គឺមានន័យថា ដីមានភាពអាល់កាឡាំង។

ការវាស់វែង pHដីអាចឲ្យកសិករប៉ាន់ស្មាននូវ លទ្ធភាពដីក្នុងការផ្តល់នូវបរិមាណសារធាតុចិញ្ចឹមដ៏ទៃទៀតដល់ការលូតលាស់របស់ដំណាំនោះមានន័យថា ដីដែលមានphណាមួយអាចធ្វើឲ្យដី នោះសំបូរសារធាតុចិញ្ចឹម មួយចំនួន ដែលក្នុងលក្ខខណ្ឌខ្លះភាពសំបូរច្រើនជ្រុលនាំឲ្យមានភាពពុល និងបង្ករឲ្យមានកង្វះសារ ធាតុចិញ្ចឹមមួយចំនួនផងដែរ។  

ឧទាហរណ៍ៈ ដីដែលមានpHតិចជាង៤មានសារធាតុអាលុយមីញ៉ូម(Al)ខ្ពស់ ដូចនេះដំ ណាំអាចងាយរងនូវការពុលអាលុយមីញូម។ ប៉ុន្តែដីនេះជាទូទៅខ្វះសារធាតុចិញ្ចឹម កាល់ ស្យូម(Ca) ម៉ាញ៉េស្យូម (Mg) និង ប៉ូតាស្យូម (K) ។ 

ដោយ AgriToday សង្កេតឃើញថា បងប្អូនកសិករដែលមានធនធានគួរសម ហើយមាន ចំនាប់អារម្មណ៍ក្នុងរបរកសិកម្មគាត់តែងតែប្រើប្រាស់ឧបករណ៍វាស់pH។ AgriToday សូមលើកមកបង្ហាញនូវការរៀបរាប់យ៉ាងសង្ខេបពីអត្ថន័យ phនៃដីសំរាប់ដាំដំណាំចំពោះ ដីដែលមានតំលៃpH ផ្សេងគ្នា ។
ដំណាំមានភាពស៊ាំនឹងកំរិត pH ផ្សេងគ្នា ដូចបង្ហាញក្នុងតារាងខាងក្រោម ។

ដំណាំ	pH សមស្រប
ទំពាំងបាយជូ	៥.៥ - ៨
ពោត	៦.៨
សណ្តែកសៀង	៦.៨
ក្រូច	៥.៥ - ៦.៥
ខ្ញី	៥.៥ - ៦.៥
ដំឡូងមី	៥.៥ - ៦.៥
ខ្ទឹម	៦.៥
ប៉េងប៉ោះ	៥.៥ - ៦.៥

បើដីមានpHទាប កសិករអាចប្រើប្រាស់ កំបោរ សម្រាប់បង្កើន pH ។ គួរបញ្ជាក់ផងដែរថា បើpH មិនត្រូវតាមការកំណត់ខាងលើ មិនមែនបានន័យថា កសិករមិនអាចដាំដុះបានទេ ប៉ុន្តែកសិករមិនទទួលបានទិន្នផលខ្ពស់ ។