ចៃត្រសក់បង្កឡើងអាហ្វីដ

លក្ខណៈនៃការបំផ្លាញ

អាហ្វីដមានរាងតូចពណ៌ត្នោត ឬបៃតង ដែលវាជញ្ជក់យករុក្ខរសពីរុក្ខជាតិ។ ពួកវាចូលចិត្តស៊ីបំផ្លាញលើស្លឹកខ្ចីៗ និងត្រួយ ហើយភាគច្រើនស្ថិតនៅលើផ្ទៃខាងក្រោមនៃស្លឹក។ ស្លឹក និងត្រួយដែលត្រូវអាហ្វីដបំផ្លាញប្រែជាពណ៌លឿង។ បើមានវត្តមាននៃអាហ្វីដច្រើនធ្វើអោយទិន្នផលធ្លាក់ចុះ ហើយបញ្ហាសំខាន់មួយទៀតគឺជាភ្នាក់ងារចំលងជំងឺវីរុសពីដំណាំមួយទៅដំណាំមួយទៀត។ ទឹកដមជាតិផ្អែមដែលវាបញ្ចេញមកក្រៅ បន្ទាប់ពីវាជញ្ជក់ពីដំណាំហើយនោះបង្កអោយមានផ្សិតម្សៅដុះឡើង។

លក្ខណៈទូទៅ

អាហ្វីដអាចបន្តពូជបានយ៉ាងរហ័ស និងមានបរិមាណកាន់តែច្រើនក្នុងរយៈពេលខ្លីប៉ុណ្ណោះ និងអាចចម្លងជំងឺវីរុសដែលស្ថិតក្នុងផ្លែត្រសក់ដែលមានវីរុស ឬស្មៅចង្រៃ ទៅត្រសក់ដែលមានសុខភាពល្អ។ ជំងឺវីរុស ជាជំងឺដ៏សាហាវបំផ្លាញដំណាំត្រសក់ ហើយពុំមានថ្នាំកសិកម្មណាមួយអាចកម្ចាត់បានឡើយ។ សត្វល្អិតមានប្រយោជន៌មួយចំនួនដែលចូលចិត្តស៊ីអាហ្វីដមានដូចជាអណ្តើកមាស និងពីងពាង អាចជួយកាត់បន្ថយប្រជាករអាហ្វីដបាន។

វិធានការគ្រប់គ្រង និងកម្ចាត់

• ចុះពិនិត្យមើលវត្តមានអាហ្វីដរៀងរាល់ ៣ថ្ងៃម្តង។ បើមានវត្តមានអាហ្វីដលើសពី១ក្បាល ក្នុង១០ដើម នោះត្រូវប្រើថ្នាំកម្ចាត់
• បើមានវត្តមានអាហ្វីដតិចតួច នោះត្រូវប្រមូល ឬចាប់វាចេញដោយប្រើដៃផ្តិតថ្នមៗលើស្លឹក និងត្រួយ
• បើអ្នកឃើញសត្រូវធម្មជាតិដូចជា អណ្តើកមាស lacewing និង ពីងពាង នោះមិនចាំ បាច់ធ្វើអ្វីទេ
• ត្រូវប្រមូលចោលនូវដំណាំចាស់ៗដែលបានបំផ្លាញ ដើម្បីជៀសវាងការរាលដាលវីរុសដល់ដំណាំដទៃៗដែលមានសុខភាពល្អ
• បាញ់ថ្នាំផ្សំពីរុក្ខជាតិដូចជា ស្តៅស្រស់ ស្លឹកគ្រៃ និងខ្ញី
• បើមានការបំផ្លាញធ្ងន់ធ្ងរ ត្រូវប្រើថ្នាំកសិកម្មដូចជា abamectin, fenobucarp, permethrin ឬ alpha-cypermethrin ។ សូមអានការណែនាំពីការប្រើប្រាស់នៅក្នុងតារាងពណ៌លឿង និងបៃតង។

វិធានការការពារ

• ភ្ជួរដីហាល ២-៣ ដងមុនពេលដាំ ដើម្បីកម្ចាត់ស្មៅចង្រៃដែលជាភ្នាក់ងារចំលងអាហ្វីដ
• ដាំដំណាំអន្ទាក់ ឬជាដំណាំការពារជុំវិញចំការដូចជាពោត និងត្រប់
• ប្រមូលនិងកំទេចចោលនូវដំណាំដែលមានជំងឺ និងកាកសំណល់រុក្ខជាតិក្នុងចំការ
• ថែរក្សាសត្រូវធម្មជាតិដូចជា អណ្តើកមាស
• ប្រើប្លាស្ទិកពណ៌ប្រផេះ ឬប្រាក់ គ្របរងដើម្បីបណ្តេញអាហ្វីដ

ការអង្កេត

• តាមដានចំការជាប្រចាំ និងពិនិត្យវត្តមាននៃអាហ្វីដ
• ត្រួតពិនិត្យមើលរោគសញ្ញាបំផ្លាញ

វិធានការកម្ចាត់

• ប្រើថ្នាំផ្សំពីរុក្ខជាតិ (ដូចជាស្តៅ ស្លឹកគ្រៃ និងខ្ញី) ដោយលាយថ្នាំ ១លីត្រ និងទឹក ១៥លីត្រ
• នៅដំណាក់កាលដំបូង(មានសត្វបំផ្លាញតិចតួច) ត្រូវចាប់សត្វដោយដៃ
• បាញ់ទឹកលាយនឹងម្សៅសាប៊ូ ឬអំបិលបូតាស្យូម (៥ក្រាម/១លីត្រ)
• Abamectin
• បាញ់ ០.៥ម.ល/១លទឹក
• Fenobucarb (ឧ.Bascide)
• ២០-៣០ម.ល/៨ល ទឹក
• ថ្នាំដែលមិនជ្រាប, ប៉ះផ្ទាល់
• Permethrin
• ១ម.ល/១ល ទឹក
• ឬ alpha cypermethrin (e.g. Attach)
• Pyrethroid

កំរិតគ្រោះថ្នាក់

• Abamectin, IRAC Group 6
• មិនមានចំណាត់ថ្នាក់ WHO តែចាត់ចូលជាក្រុមពុលមធ្យម
• Carbamate IRAC Group 1A
• ស្ថិតក្នុងក្រុមទី II នៃ WHO (គ្រោះថ្នាក់មធ្យម
• ប្រើតែនៅពេលដែលមានការបំផ្លាញធ្ងនធ្ងរ
• Synthetic pyrethroid
• IRAC Group 3A
• ស្ថិតក្នុងក្រុមទី II នៃ WHO (គ្រោះថ្នាក់មធ្យម
• IRAC Group 3A, មិនមានចំណាត់ថ្នាក់់ នៅក្នុង WHO
• សំគាល់: ត្រូវគោរពតាមការណែនាំនៅលើសំបកថ្នាំ មុននឹងប្រើប្រាស់ថ្នាំណាមួយ
• សំគាល់: ដើម្បីជៀសវាងបន្សល់កាកសំណល់ថ្នាំទៅក្នុងបរិស្ថាន នោះអ្នកមិនត្រូវប្រើប្រាស់បន្តនូវថ្នាំណាដែលស្ថិតក្នុងក្រុមថ្នាំ IRAC ដូចគ្នាទេ

ប្រភព៖ អគ្គនាយកដ្ឋានកសិកម្ម(GDA)